Memoria emocional colectiva

 Xa na recta final do curso fixemos a última reunión da Despensa😉

Nesta ocasión a Despensa organizou unha actividade sobre a memoria emocional colectiva a través de fragmentos de libros, aqueles que xa coñecían os nenos e nenas.

Comezamos facendo un exercicio para compartir dentro do grupo os recordos, anécdotas, emocións, persoas...que inflúen na súa identidade e cohesión.

A casiña de Faiuco foi o lugar que acolleu aos grupos de traballo á hora de reflexar os recordos, que deixaron florececer un sinfín de emocións.

Logo, cada un deles colleu dun tarriño un papel no que estaban escritas citas de libros clásicos: Harry Potter, O principiño, O Diario de Greg, As bruxas, Matilda...

Desta actividade naceu unha reflexión común sobre a idea que o autor ou autora nos quere transmitir a través do texto, do personaxe, coa historia...

E para rematar e despedir este curso, unha rica merendola 😜

Moitas gracias aos integrantes da Despensa, o ano que vén máis e mellor 💕

Graciñas nenos e nenas polas vosas opinións💚

Obradoiro de Regueifas

 Co gallo das Letras Galegas, a Despensa traballou co arte de regueifar.

Tradición galega que consiste nun diálogo cantando improvisado, onde dúas ou máis persoas rétanse a través dos versos, xeralmente empregando a retranca galega: a ironía.

E con ganas de aprender máis sobre esta arte, convidamos a dous regueifeiros á Casiña de Faiuco.

Pinto de Herbón e Luís Caruncho ensinaron aos nenos e nenas, participantes do noso club de lectura, a crear as súas propias regueifas para así manter a nosa poesía oral viva, a tradición, a nosa Lingua, a cultura... pois debemos ser partícipes na conservación desta arte.

Esta ocasión que brinda a homenaxe ás cantareiras e pandareteiras é perfecta para ofrecer ao noso alumnado a posibilidade de coñecer dende preto a expresión cultural que nos rodea. Valorar a importancia do cancioneiro popular e achegarnos á poesía oral, a través da rima, da entoación, do acompañamento musical, das figuras retóricas...

Deixamos por aquí un vídeo para que vexades o ben que o pasamos no obradoiro, onde ao mellor, quen sabe, nace un novo regueifeiro ou regueifeira.

E rematamos, esta xornada do mércores, coa entrevista aos nosos convidados.

Escoitádea, porque foi todo un éxito!!

RADIO CORPIÑO

Queda pouco para rematar o curso pero, haberá outra sesión máis na Despensa!

Nin me amoles

 Ana Carreira, autora do libro que tiñamos entre mans esta tempada visista A Casiña de Faiuco 👏

Co gallo da visita organizamos unha xornada de convivencia co CEIP Lagostelle de Guitiriz que, coma nós traballaron coa obra de Ana nas súas aulas.

Nun encontro ben agradable, a autora do libro " Nin me amoles" contou unha serie de historias que deixaban entrever unhas cantas reflexións. Versaban sobre a autoestima, a propia aceptación, a superación, os valores do esforzo, o feminismo, os arraigados roles de xénero que deben mudar, os esteriotipos da sociedade actual... pero sempre dende o humor e empregando unha dinámica de participación e implicación do alumnado.

Se a todo isto lle sumamos a oportunidade de recibir no noso cole aos compañeiras e compañeiras do cole veciño, o encontro non pode ser mellor👌

Tanto é así que, Radio Corpiño ten novo podcast entrevistando a nosa convidada.

RADIO CORPIÑO. ANA CARREIRA

Unha sesión inmellorable para ambos club de lectura, podendo socializar, interactuar, intercambiar, xogar, conversar, rir...da man da lectura.

Agardamos máis actividades, que sexa a primeira de moitas👥

Mil gracias Ana por aceptar a nosa invitación e deleitarnos co teu bo contar👏

O club dos raros II

 Este martes tivo lugar a segunda parte da actividade co libro " El club de los raros" coa profe Andrea.

Iniciamos a sesión con pequenas dramatizacións de distintos capítulos do libro coa intención de reflexionar sobre a importancia do respecto mutuo para construír relacións saudables 👭

Continuamos coa lectura e fixemos fincapé na aceptación como clave para fortalecer a autoestima e o autoconcepto👤

Por último, creamos a "cadea da amizade e o respecto" para simbolizar como as accións e cualidades de cada un están conectadas.

O traballo das dúas sesións, quedou plasmado de forma visual, nun pequeno mural onde comprometémonos a tratarnos con tolerancia e respecto tendo claro que a diversidade pode ser un punto de conexión, non de rechazo.

Velaquí algunhas fotos da xuntanza

Moitas gracias ás familias por participar na Despensa, é un pracer para nós que formedes parte das actividades programadas. 

Que máis atoparemos pola Despensa na próxima reunión?

O club dos raros

 Na despensa sempre hai moito que ler e contar, este martes, o alumnado traballou co libro " El club de los raros"👦👧👨👩

Os protagonistas aprenden que as súas diferenzas son os que os fan especiais e que todos e todas, dalgunha maneira, somos “raros” en relación ás nosas individualidades. De aí a importancia da tolerancia e o respecto cara aos demais.🙌

Esta nova sesión da “Despensa” ten por obxectivo fomentar a autoestima e o autoconcepto, recoñecendo e aceptando as diferenzas e estimulando a creatividade e a expresión emocional a través da lectura e de distintas dinámicas de grupo que conviden a compartir pensamentos e sentimentos.

Nas seguintes fotos poderedes ver anaquiños desta reunión.

Seguiremos coñecendo máis da historia de Hugo e Bernado, o próximo martes máis!!

Grazas Andrea por sumar experiencias ao noso club de lectura 💗

A receita da felicidade

  A primeira sesión do club de lectura foi un éxito! 👏👏

Quen sabe cales son os ingredientes para a felicidade💕?

Pois, na despensa traballaron con máis de oitenta ingredientes. Cada un escolleu aqueles que eran máis compatibles para acadar a felicidade.

Isto, complicábase cando por grupos ou parellas se tiñan que poñer dacordo e quedarse cunha única receita. Nese instante, confortar as ideas de cadaquén de felicidade e escoller os " ingredientes" non foi doado. As ferramentas nese momento foron a argumentación, diálogo e negociación 👥

Na segunda parte da sesión botaron man de diferentes libros que definían a felicidade doutro xeito.

👉O principiño, Antoine de Saint- Exupery.

👉Lección de pesca, Heinrich Böll.

👉7 Hombres con bombín, Álex Nogués.

👉De mayor quiero ser feliz, Anna Morato.

👉O lobo feliz, Miguel Guido.

Familias, alumnado e profesorado participaron no proceso de creación da receita da felicidade.

Moitas gracias por vir á despensa!

Inauguración

 Estamos de inauguración!!

 😀

Co gallo de fomentar a lectura, traballar na importancia do hábito lector, compartir reflexións, implicar ás familias, intercambiar opinións....formamos un club de lectura 👪

A despensa, que será o nome que leve o club, tentará reunir ás familias do alumnado de 5º e 6º EP,  profesorado e os nenos e nenas da aula.

Serán sesións mensuais nas que os membros do club fan lecturas de libros, artigos, revistas...e logo organízanse actividades: debates, reflexións, xogos, mesas redondas, entrevistas, roteiros....

A primeira reunión será o martes 26 ás 12:45 na Biblioteca e Faiuco non perdeu oportunidade para anuncialo ao grande.

En breves, máis novas da despensa!