A nova fábrica de Wonka

Abre a Despensa, nova xuntanza de reflexión😃

Comeza a sesión cun sobre dourado que explica un acontecemento que impide a inauguración da nova fábrica; a receita perfecta do chocolate desapareceu😒!!

Superando unha serie de probas poderemos rescatala? Que farían neste caso os nosos protagonistas?

Para poñer en marcha a fábrica de novo precisamos traballadores, un equipo responsable que afronte esta nova etapa. Un xogo para adiviñar de que personaxe estamos a falar será o filtro que hai que pasar valorando si deben ou non formar parte desta andaina.

Hai receita secreta para elaborar o chocolate?

Debemos atopar a fórmula final pasando unha serie de probas, así teremos todo listo para a inauguración🎊

🍫Ordenar unha frase de Wonka

🍫Asociar cada personaxe cun valor

🍫Descifrar unha palabra cun código sinxelo

🍫Resolver un enigma visual

Finalmente, unha degustación de chocolate cerra esta reunión.

Álvaro, o profe que organiza a xuntanza, trae por quendas distintos tipos de chocolates (con pistachos, branco, negro, con améndoas..) namentres o saborean deben relacionar esa sensación cos personaxes; Charlie, Wonka, Veruca... 

Que chocolate representa mellor a cada un deles?

"Coa forza da creatividade, a bondade, a imaxinación e a xustiza... declárase oficialmente inaugurada a nova fábrica de Wonka"

Moitas gracias a todos os asistentes, foi unha xuntanza ben amena👥

Wonka abre a Despensa

 Benvid@s de novo a nosa Despensa

Comezamos unha nova andaina cunha lectura moi entretida "Charlie e a fábrica de chocolate". Unha historia de Roald Dahl caracterizada polo seu humor e coñecida mundialmente por ser unha das xoias da literatura infantil.

Froito do seu éxito son as numerosas traducións a distintas linguas e por suposto a adaptación cinematográfica no ano 2005.

É por iso que para falar desta obra na Despensa, visionamos Wonka, que se centrou nas orixes do personaxe e nas súas aventuras antes de fundar a fábrica.

E así foi como gozaron destas sesións os nenos e nenas de 5º e 6º EP e as súas familias😃

"A verdadeira felicidade é compartir e facer o ben, non a ambición desmedida. As boas accións teñen recompensas inesperadas"

Pronto máis novidades...